Schlussspurtwoche vor unseren Ferien - vom 15.7. bis am 2.8. gehen wir auf Inspirationsreise.

Diese Woche kochen wir Mittags nach Lust & Laune. 

Abends servieren wir Euch auserlesenes aus der Thai Küche, z.B. Som Tam, Yam Woon Sen, Green Curry & Nam Tok Moo...

...und sonst halt ein Tatar.

Freitag Abend feuren wir den Smoker an und lassens ausklingen ;-)

äs päckli ghört undere tanneboum, aber nid aus fertiggricht ine chuchi. mir choche so viu wie mügläch säuber - sägemr öppe 99.9%. ganz perfekt chöi o mir nid si; das wär ja de scho fasch ungloubwürdig. wenn müglech, choche mir mit regionale oder schwizer produkt. ah ja, pangasius wirds bi üs nie gä

 d'Quartierbeiz gitz scho lang - genauer sitem 96 – u sie chönnt sicher vili Gschichte vrzeue. Denn, wo mä dinne no het grouckt, nid duurend äs Handy het glütet u mä äs eifachs Kafi créme het trunke.

Vieles isch sit denn anders worde, aber eis blibt glich: Üsi Beiz isch fliissig am witerschriebe.

säuber & gsund choche 

Äs Päckli ghört undere Tanneboum, aber nid aus Fertiggricht ine Chuchi. Mir wei so viu wie mügläch säuber choche. Säge mir öppe 99.9%. Ganz perfekt chöi o mir nid si; das wär ja de scho fasch ungloubwürdig. Wenn immer müglech, choche mir mit regionale oder schwizer Produkt.

zBeschtä vo hie, zBeschtä vo dert

Üsi Chuchi - Asiatisch u "hiesig" - isch früsch, ehrlech, eifach u ohni schischigaga. 

Mir serviere u lifere qualitativ hochstehends us üsne eigete Pfanne. Di nöii, moderni Chuchinfrastruktur machts müglech, früscher zsi aus die meischte.

Drum chöit dir vieli vo üsnä Gricht, o aus Fertiggricht zum ufwärme deheime gniesse.

Uf Bschtelig, choche mir o feini Sache i grössere Mängine – ideau für Parties, Heim, Kindertagesstätt oder aus Menus für Mittagstische u Personalrestaurants.

flüssigs

Chauts isch chaut u Heisses heiss. Für d Manne ds coole Beizebier u für d Froue ä geile Wii. Oder de haut umgekehrt; mir si da absolut légère...

Italiänischi Espressi, früschi Fruchtsäft, oder ä trendy Drink für d Kiddies. Bi üs findet jede öppe das, uf was är oder sie oder äs de grad Lust hätti.